مساء الخير ..
مادري المفروض احط صورة للموضوع بس احترت صراحه احط صورة منو .. يمكن من الموضوع بتعرفون الصورة الي بتنحط ..
الوضع الي صاير هالفترة بالديرة , مضحك .. والله العظيم مضحك ! مضحك ليش ؟ من فكاهته هالموضوع , لكن من غباء من يتناولونه ..
موضوع الوحده الوطنيه الي الكل هاب فيها هاليومين .. شي ينرفز الواحد بصراحه !
شـ هالوحده الماصخه الي بيخربها الجويهل .؟!! او بيّاثر عليها الفالي .؟ او يولعها العريفي .؟!!
شنو انتوا وشلون قاعدين تقيّمون هالموضوع بسذاجه واثارة ..
النواب والصحافه " ورجل الكرسي " طبعا رجل الكرسي هي الحكومه , وهي مفرده شاميه تقال للرجل الي يقعد بالبيت تحسّه شي وهو لا شي ..
محاوله اشعال البلد والبعض الي يحاول يطبّل لها المفروض احنا نتصدى لهم , احنا المدونين الشباب الواعين مانسكت ع الخبال الي قاعد يصير , والعبث فينا ,
انا بدوي درست مع حضري وشيعي وعادي الوضع , وتخرجت وزاملت حضري وشيعي وعادي الوضع .؟!
من متى صار العريفي او الفالي او الجويهل بيخربون شي انبنا فينا وانزرع من زمان .؟!
العتب هني ع النواب الي لا سمعو كلمه مني كبّروها مني , وهاات طق .؟ على شنو .؟
منو الفالي عشان اخسر اخواني السنه عشانه .؟ او منو العريفي عشان اخسر اخوي الشيعي عشانه ..؟ ومنو الجويهل عشان يسبب حزازيه بين البدوي والحضري .؟!
في وقت العالم يتطوّر احنا لا زلنا نتراجع للاسف .؟!
لازلنا نحاول نحدد مفهوم الكويتي شنو .؟ ومفهوم المسلم شنو .؟
وهذا غلط , الخلاف السني الشيعي عقائديا موجود لكن منو احنا عشان نحله ؟!
ابن تيميه شيخ الاسلام عند السنه كان يتجادل مع علماء الشيعه وما وصلو لـ حل .؟
جايين انتوا بعد الالف سنه بتحلونها .؟!
انتوا بالوعه بمشرف ماعرفتو تسكرونها .؟
احنا بمرحله تاريخيه الحين , النفط مو دايم العالم حولنا يتطور , واحنا محلك سر .؟ شيعه وسنه \ كويتي ومزدوج .؟!
انا ما اطالب جهابذه الديمقراطيه عندنا بهالكلام لانهم اصلا ما يبون يسمعونه .؟!
انا اكلم العقلاء والعقلاء فقط ..
ياشباب كلنا كويتي الجنسيه وعندنا قانون يكفل لنا حرياتنا وشعائرنا ..
نحاول ما نجرح بعض او نستفز بعض , نحاول ما ندخل احد برا الديرة علينا ويسوي خلاف بينا ..
نحاول نعيش بسلام .. نبي سلام .. ابي اقرا الجريده وانا ابتسم ..
كلنا بنموت باجر وبنندفن يم بعض بتراب واحد .. وقتها هالتراب ماراح يقول هذا شيعي ما ابيه .؟!
بالعكس راح يحتضنا ويلمنا .. ويمكن يعاتبنا ويلومنا على لاي سويناه بالديرة ..
مع بعض نحاربهم , نرفضهم .. نمنعهم ..
كل الي يحاول يصور لنا انه حرب اهليه بتصير ..
لان اذا بتنطرون رجل الكرسي .. والله بناكل تبن وهو ماقام من كرسيه ..
تكفون الديرة
هناك 3 تعليقات:
والله ياخوي كلامك عدل .. وانت بطلت جرح بقلبي ما تسكر :(
الديرة يا ناس .. الكويت تكفون!!
شقاعد يصير؟ ووين يبون يوصلون؟؟
انا معاك ..والوحدة بالنسبة لي مو كلام ينقال وشعارات نهتف فيها .. الوحدة بالفعل ..
كلنا "كويتي" وكلنا خط أحمر!
والله يحفظ هالديرة وأهلها من هالفتن .. ويسلمها من كل حاقد وحاسد اللهم آمين ..
أتفق العرب على ان لا يتفقوا
لمن تلاقي الناس مخلين اللب ورايحين للقشور .. اشتتريه؟
لمن نشوف عجلة التقدم والحضارة قاعدة ادور واحنا قاعدين نبطئ ونوقف الدنيا على توافه هاذا كويتي .. وهاذا أصيل وهاذا ولد بطنها وهاذا نشي وشيعي .. وتناسوا إن الكويت انبنت على ظهورهم كلهم هاللي حجوا عنهم .. يايين الحين تفصلون وتختارون؟
اخي العزيز . الحال يعور القلب لو بتفكر فيه .. والمشكله لمن الكبار نايمين .. ( وهل معظم النار إلا من مستصغر الشرر؟) يعني يقولون هالاشياء ما تأر ولا يلقونها بال.. ومايدرون انها تتفاقم والكل يلتفت لها ويخلي مصالح الديره المهمه :\
واول مصيبه لازم تنحل اهيا الواسطه هالآفه
cesc الله يعين ويستر
مسا الخير
في زمن السرعة, صرنا نفقد كل شيء بسهولة. وبما في ذلك قيمنا ومبادئنا وبعض أخلاقتنا. لتحل محلها أفكار سلبية. .زرعتها ناس مريضة فيناوحين أثمرت صار ثمرها يسمم بلاد بأكملها.
عسى الله يحفظ الكويت
:)
إرسال تعليق